Barbari:  1. Mungesë qytetërimi. 2. Mizori ekstreme, shkatërruese dhe çnjerëzore. 3. Akt që shpreh barabri, në kuptimin e mëparshëm.

Bukuri (si mbiemër): 1. Që realizon një ideal nisur nga krahasimi me llojin e vet. 2. Që shkakton një kënaqësi estetike.

Bukuri (si emër i zakonshëm):  Standard i gjykimit estetik

Nevoja: 1. Ajo çka – nëse mungon – kërcënon jetën ose mbijetesën e individit. 2. Ajo çka është e domosdoshme për funksionimin optimal të një qenie të gjallë. 3. Më tej. Ajo që është e domosdoshme për mirëfunksionimin e një sistemi, makine apo organizmi.

I/e mirë/a: 1. Termi lavdërues më i përdorshëm, i kundërti i të keqit/es. 2. Konform të mirës. 3. Që manifeston mirësi.

Lumturia: Gjendje kënaqësie e plotë, e qëndrueshme dhe e fortë.

Mirësia: Virtyt që të mundëson t’i bësh mirë tjetrit dhe të jesh i sjellshëm ndaj tij.

Shkak: Ai që prodhon një gjë, që e sjell gjenë në të tashmen. A. Burimi i domosdoshëm i një fenomeni që ai (shkaku) prodhon. B. Arsyeja apo motivi i një veprimi.

Ndryshimi: 1. Transformimi sasior ose cilësor i një realiteti të njëjtë. 2. Zhvendosja e një realiteti nga një tjetër brenda së njëjtës hapësirë.

Komunikimi: 1. Akt i përcjelljes së shenjave ose informacioneve. 2. Përmbajta e këtij ndërveprimi.